Pagkasunog sa kiln dry sa Agusan Plywood Corporation, padayon pang gi-imbestigahan

BUTUAN CITY  – Gibana-banang muabot sa 400-mil pesos ang damyos human nasunog ang usa ka chamber sa APC Plywood Company sa may Barangay Manapa, Buenavista, Agusan Del Norte.

Sigon ni SFO3 Rexmar Yangson sa Buenavista Fire Station, alas 11:00 sa buntag nila nadawat ang fire alarm diin nasunog ang usa ka chamber sa kiln dry sa maong kompanya.

Miabot sa ikaduhang alarma ang maong sunog nga girespondihan sa 7 ka firetruck diin miabot sa duha ka oras ang pagpalong sa kalayu hangtud nga gideklarang fire out ala-1:15 na sa hapon.

Sumala pa ni SFO3 Yangson, dunay nag-welding sa tapad sa nasunog nga chamber nga posibleng maoy hinungdan sa sunog apan padayon pa gihapon ang ilang imbestigasyon. (Rolan Janea)