BUTUAN CITY – Mitala na og mga bakwit ang padayong paghapak ni Bagyong Samuel sa rehiyon sa Caraga. Sa gihimung pre-emptive evacuation sa Disaster Risk Reduction and Management Council kon DRRMC sa Cagwait, Surigao del Norte sa mga residente sa Arangasa Island, gelayong mibakwit ang 74 ka pamilya nga temporaryo karung mipasilong sa Brgy. Aras-asan Gymnasium sa maong lungsod.
Samtang si Surigao City Mayor Ernesto Matugas, nagpagawas na og EO No.42 nga nagsuspinde sa klase sa tanang lebel sa parehong pampubliko ug pribadong tunghaan ugmang adlawa.
Ang nasangpit nga suspension sa klase ang magpadayon hangtud nga kuhaon na ang public warning signal tungod sa maong bagyo.
Gi-activate usab sa Department of Interior & Local Gov’t kon DILG-Caraga ang ilang Disaster Monitoring & Reporting System og girekomenda ngadto sa tanang mga hingtungdang lokal nga kagamhanan pag-activate sa ilang mga Barangay DRRMCs.
Apil na niini ang pag-andam alang sa ipatumang pre-emptive evacuation; pagseguro nga ang communication lines migana; ipadayon ang pagpahibalo og pagtambag sa mga komunidad, pag-ban una sa mga tourist activities; pagpahimangno sa mga small-scale miners nga magpabilin sa mga safe grounds og paglikay una sa bisan unsa mang mga mining activities; og ipadayon ang pag-monitor sa mga PAGASA weather advisories og typhoon bulletins apil na ang MGB Geo-Hazard Portal.
Sa Surigao City, nagpatuman na og pre-emptive evacuation karong hapon sa mga natumbok na nga flood og landslide prone areas ilabina sa Brgys. San Juan, Sabang, Lipata, Punta Bilar, Ipil, Mabua, Luna og Washington.
Samtang sa Agusan del Norte, isip preparasyon sa bagyong Samuel, gitambaganna ni PDRRMC chairperson Gov. Angel Matba ang tanang LDRRMCs paglusad og regular monitoring sa mga major waterways, kasubaan og mga landslide-prone barangays.
Gimanduan usab ang mga BDRRMCs paghimo og pre-emptive evacuation kung ang sitwasyon mu-warrant niini.Sigon ni Erma Suyo, PDRRMO chief, gimando na usab sa gobernador ngadto sa tanang LDRRMCs pa-activate sa ilang tagsa-tagsa ka mga Emergency Operations Center kon EOCs, Incident Management Teams og Emergency Response Teams (ERTs).
Suspendido na usab ang klase sa Elementary, Junior og Senior High Schools sa mga pampubliko og pribadong tunghaan sa maong lalawigan. (Beth Ruiz)
