BUTUAN CITY – Gi-isa na sa red alert status ang Caraga Regional Disaster Risk Reduction and Management Council-Operations Center kon RDRRMC-OpCen gikan sa unang gi-isang blue alert kagahapon tungod sa bagyong Samuel.
Sigon ni Office of the Civil Defense (OCD-Caraga) regional director Liza Mazo, kini base na sa gihimo nilang Pre Disaster Risk Assessment o PDRA human ang pagsulod sa tropical depression Samuel sa Philippine Area of Responsibility.
Hugot ang ilang pahimangno sa mga residente nga magpabiling alerto og musunod sa mga opisyal sa mga ipagawas nga advisories ilabina kung kinahanglan ng mag- evacuate.
Nasayrang mukabat sa 185 ka mga barangays sa Surigao del Norte og Dinagat Islands ang alerto usab karon tungod kay sigon sa National Disaster Risk Reduction and Management Council (NDRRMC), 100 ka mga barangays sa Dinagat Islands og 85 ka mga barangays sa Surigao del Norte ang delikado sa pagbaha og pagdahili sa yuta.
Daling nagpagawas og kamanduan ang NDRRMC ngadto sa mga regional DRRMCs nga ipatuman gilayon ang force evacuation og pre-emptive evacuation protocol. (Melody Valledor)
