BUTUAN CITY – Hatagan og libreng slot alang sa himuong Basic Photography and Reporting seminar workshop sa kadumalahan sa Grand View Colleges ang mga blood donors sa Dugong Bombo 2018 dinhi sa dakbayan sa Butuan.
Kini ang offer ni Grand View Colleges President Manny Esteves isip tabang sa hamili nga tinuig nga blood-letting activity sa Bombo Radyo Philippines aron usab magamit sa mga blood donors nga gustong mu-avail sa maong seminar workshop.
Gibutyag ni Esteves nga ang makahuman sa maong kalihukan karong Disyembre 1, nga himuon ra usab sa maong tunghaan, hatagan og certification of completion kansa ilang magamit sa pagpanarbaho o kaha sa pagtungha.
Nasayrang sukad pa sa mi-aging mga blood-letting activities sa Bombo Radyo, kanunay nang misuporta ang nasangpit nga kolehiyo pinaagi sa pagpadala sa ilang mga magtutungha aron mudonar sa ilang dugo sa ingon makatabang sa mga tawong nanginahanglan niini.
Gani, ning mi-aging tuig, ilang gisupende og usa ka adlaw ang ilang klase arin lang suportahan ang nasangpit nga kalihukan samtang ang mga malampusong blood donors, ilang gihatagan og scholarship grant rason sa padayong pagtungha karon sa mga mi-avail niini. (Beth Ruiz)
