BUTUAN CITY – Laing kalabera na usab sa lumad nga biktima sa pagpanglikida sa mga rebeldeng New People’s Army kon NPA ang nakabot sa hini-usang pwersa sa militar uban sa taga-simbahan og gipangunahan sa mga sakop sa Office of the Presidential Adviser on IP Concern kon OPA-IPC.
Kini subay na sa nagpadayon nilang Oplan Lakbay Hukay nga ning higayuna, didto kini gipahigayon sa bukirang bahin sa Sitio Rapdap, Brgy. Sta. Irene, Prosperidad, Agusan del Sur.
Naila ang pinaka-ulahing gilikida sa mga sakop sa Front Committee 8 sa New People’s Army kon NPA ang biktimang si Caloy Saguyo Dayong, 28-anyos, buwag sa asawa kinsa gilubong nga taga-tuhod lang.
Sigon ni Datu Martin Acebedo, iyang pag-umangkon ang biktima kinsa nataymingan matud pa sa mga rebeldeang daan nang nanganting patyon ang ilang kaliwatang mga lalaki human unang gipatay sa iyang amahan.
Iyang gi -asuy nga dihang nakita sa mga rebelde ang biktima niadtong tuig Nobyembre 23, 2013, gidala gilayon kini sa mga rebelde og gipatay.
Ang nahimo matud pang salaud sa iyang pag-umangkon mao ang pag-alegar sa mga rebelde kaniyang giya sa mga sundalo
