7 rebeldeng NPA uban ang 2 ka squad leaders, mitahan sa militar sa Agusan del Sur

BUTUAN CITY – Pito ka mga rebeldeng sakop sa Guerilla Front 14, Northeastern Mindanao Regional Committee sa New People’s Army apil na ang pipila ka mga lider, ang boluntaryong mitahan ngadto sa Bravo Company, 75^th Infantry Battalion, Philippine Army bitbit ang ilang mga armas.

Apil sa mga mitahan sila Lita Pau-as Cristobal alyas Ka Dina, Rudelito Calderon Cristobal alyas Shanlen/Pogs, Jhon Fuentes Subla alyas Ka Terso, Leo Rosas Amper alyas Ka Path, Roldan Rocero Pau-as alyas Ka Kyrex, Aurillo Rocero Pau-as alyas Ka Lawaan/Bibang, vice leader sa Squad Caloy og Marito Rocero Pau-as alyas Ka Edgar/Paquito – vice leader usab sa squad Baking, pulos residente sa Sitio Cosep, Brgy Bayugan 3, Rosario, Agusan del Sur.

Apil sa ilang gibitbit sa ilang pagtahan ang usa ka kalibre 38 pistol, og tulo ka improvised 12-gauge shotgun, usa ka improvised caliber 22 Rifles.