BUTUAN CITY – Sentro sa atensyon ang usa ka nitso o pantyon nga porma og sports car sa lungsod sa Dapa, Surigao Del Norte.
Sumala ni Rey Celeste Suravasquez sa eklusibong pakighinabi sa Bombo Radyo Butuan, color blue ang desenyo sa sports car nga pasiga-on kada-gabii.
Apan katunga lang sa maong sakyanan ang nahuman tungod sa kakulang sa espasyo sa lugar kondiin makita usab ang lapida niini nga nagsilbing plate number sa sakyanan.
Nasayran pa nga usa ka Ricardo Bravo, usa ka retiradong’ pulis ang gilubong sa maong nitso.
Base sa pagkumpirma sa anak nga si Reden Bravo, gibutyag nining hilig sa motor cross ang iyang amahan kaniadto og gusto niining makabton ug sports car human nakita ang lamborghini nga sakyanan.
Apan tungod sa kamahal sa maong sakyanan, wala nakapalit ang iyang amahan hangtud na lang nga kini mitaliwan na.
Tungod niini, nakahuna-huna ang anak nga pormahon ug sports car ang nitso niini isip handumanan sa iyang mitaliwang amahan. (Melody Valledor)
