BUTUAN CITY – Wala na’y kinabuhing napalgan ang usa ka Hiagunon nga CAFGU member human kini nahanaw kagahapon dihang midagan human gipusil atubangan mismo sa iyang kagahapon sa ala-una sa hapon Brgy. Guinabsan, lungsod sa Buenavista, Agusan del Norte.
Naila ang biktimang si Roldan Mansamahan, residente sa Brgy. Lawan-Lawan lungsod sa Las Nieves sa susamang lalawigan.
Sigon ni Datu Bawang, iyang pag-umangkon ang biktima nga usa ka CAFGU member nga nadestino sa Brgy. Lawan-Lawan, og nangompra lang sa sentrong bahin sa Buenavista ka-uban ang iyang asawa.
Pa-uli na unta sila dihang gisundan sa unom ka mga lalaking sakay sa duha ka motorsiklo og gipusil kini.
Midagan matud pa ang biktima rason nga ila kining gipangita apan napakyas sila og gibalikan pagpangita kaganinang buntag diin napalgan na kining wala na’y kinabuhi sa kasagbutang bahin dapit na sa dalan sa Brgy. Guinabsan.
Gitu-uhan usab ni Datu Bawang nga ang mga rebeldeng New People’s Army kon NPA ang mipatay sa iyang pag-umangkon tungod kay wala matud pa ki ni kaaway sa ilang dapit.
Gawas pa, ang iyang amahan nga si Datu Tahinaan Mansamahan og igsoon niining si Itong, parehong gipatay matud pa sa mga rebelde niadtong tuig 2007 sa Brgy. Simbalan, lungsod sa Buenavista.
Ang maong hitabo matud pa ang hinungdan nga misulod pag-CAFGU silang lima ka mga igsoon apil na ang igsoon niining babaye. (Beth Ruiz)
