BUTUAN CITY – Mikutlo sa kinabuhi sa usa ka magtutudlo ang disgrasya sa kadalanan kaganinang alas 9:00 sa buntag sa may P-6 Sitio taganahaw sakop sa Barangay San Mateo ning siyudad sa Butuan.
Naila ang namatay’ng biktima nga si Mary Christ Novo, 33-anyos, menyu dunay tulo ka mga anak nga taga Purok-6 Barangay Tiniwisan ning siyudad samtang samdan apan luwas na sa kahimtang ang kauban niining magtutudlo usab nga si Roque Carbon Celestial, 31-anyos, olitawo nga residente sa Purok-5 Barangay Libertad.
Sumala sa imbestigasyon gikan sa Butuan City Police Station-5, gibisita sa duruha ang ilang estudyante nga nag-absent na didto sa Barangay MJ Santos og pauli na unta padulong sa Tungao National Highschool sa may Barangay Tungao.
Apan pag-abot nila sa nahitaboan, kalit nga nawad-an ug brake ang single motor nga Honda XRM nga nagtangag sa plaka numero LN 2847 hinungdang na-overshoot kini ug tungod sa kakusog sa impact, nakahi-agum ug dili ti-aw nga mga samad ang duruha kangsa walay mga soot nga helmet apan na-grabehan ang drayber niini.
Daling gidala ang mga biktima sa usa ka pribadong ospital ning siyudad apan gideklara kining dead-on arrival sa attending physician ang drayber nga si Novo samtang anaa sa luwas na nga kahimtang ang angkas niini.
