BUTUAN CITY – Gikustudiya sa Butuan City Police Station 1 ang drayber ug ang gimanehuan niining sakyanan human nalambigit sa disgrasya kaganinang alas 12:40 sa sayung buntag sa may Magsaysay Bridge sakop sa Barangay Datu Silongan Butuan City.
Sa maong insedente usa ang dead-on-the-spot samtang duha ang angol. Sa nakuhang impormayon ning sibyahan, pasaka na sa tulay ang puting sakyananm nga nagtangag sa Plaka Numero ACU 5801 nga gimanihuan ni Winnielito Andaya Cornelo jr 30-anyos nga taga P-4, Poblacion lungsod sa Rosario, Agusan Del Norte apan dunay usa ka single motor nga dunay temporary plate number 15018 nga kalit mikawat ug dalan ug didto mibangga sa iyang sakyanan.
Tungod sa kakusog sa impact, patay diha-diha dayun ang drayber sa single motor nga si Ramon Gudit, 28-anyos, dunay kapuyo nga taga Purok-1A, Barangay Tagabaca ning siyudad samtang angol usab ang duha ka angkas niini nga sila Rodel Rivero, nga taga Purok-2, Barangay Salvacion og Alvin Gumo nga residente usab sa Purok-5, Barangay Aupagan nga parehong sakop ning dakbayan.
Gidala karun sa Butuan Medical Center ang duha ka mga angol aron matambalan samtang ang putting sakyanan ug ang drayber gikustudiya na sa kapulisan.
Sa imbestigasyon, nasuta nga lango sa ilimnong makahubog ang mga sakay sa single motor.
