BUTUAN CITY – Gipanganlan na ang 10 ka mga miyembro sa Militia ng Bayan, sa Guerilla Front Committee 14 sa rebelding New People’s Army kon NPA nga misurender kagahapon sa alas 8:00 sa buntag ngadto sa Community Support Team sa Bravo Company sa 75th Infantry (Marauder) Battalion, 4ID, Philippine Army ilalom sa superbisyon sa Commanding Officer nga si LTC JAIME DATUIN.
Nahitabo ang pagsurender sa may Sitio Cosep, Brgy Bayugan 3, Rosario, Agusan del Sur diin bitbit sa mga niini ang 7 ka mga armas.
Ang mga misurender nailang sila Rene Boy Tiin Alyas Erose o Cale, Gabriel Pau-as alyas Nanan, Jovanie Dacuycuy Alyas Lito, Pedrito Tagliyong Alyas Rafy, Edgar G Laspeñas Alyas Roger, Rogelio Marbibi Alyas Dohi og Dante Vosotros Alyas Jerry, Richard Ortega Alyas Joboy, Marialyn Pagaran Alyas Melka ug Roger Tawide Alyas Cocoy nga parehong residente sa Sitio Cosep, Brgy Bayugan 3, Rosario, Agusan del Sur.
Gi-turned over niini ang pito ka high powered firearms nga gilangkuban sa usa ka kalibre sa 45 nga pistola og usa ka magazine nga dunay wala ka mga buhing bala; usa ka Improvised Calibre 45; usa ka Calibre 357 nga dunay lima ka buhing bala; usa ka US Cal 22 Rifle nga dunay upat ka bala og tulo ka Improvised Shotgun nga dunay lima ka mga buhing bala.
Tungod niini, mapasalamaton si LIEUTENANT COLONEL JAIME R DATUIN INF (GSC) PA, the Commanding Officer of 75IB nga nagkadaghan pa ang mga rebelde nga mitahan sa ilang kaugalingon balik sa gobyerno.
Gipanawagan nalang niini ang mga nahabiling kaigsoonan sa kabukiran nga sila gihatagan ug higayon nga musurender na usab aron makapanginabuhi og malinawon kauban ang pamilya. Ang 75thIB kanunay nga andam ug abli nga motabang aron sa ingon makasugod og malinawon og bag-ong kinabuhi nga dunay kahadlok sa Diyos, dunay tinood nga paghigugma sa nasud ug dunay taas nga pagrespetu sa bandila sa Pilipinas.
