BUTUAN CITY – Padayon pang gipangita sa kapulisan sa Sibagat, Agusan del Sur ang lalaking mitigbas-patay sa tindera sa ilimnong makahubog pasado alas-singko sa hapon kagahapon.
Ang tinigbasan sa nagkada-iyang parte sa lawas ang mikutlo sa kinabuhi sa 21-anyos nga si Cindy Arguilles, duna’y live-in partner og residente sa Purok 2, Brgy. Poblacion sa maong lungsod.
Sigon ni P/Insp. Arnaldo Rey – OIC sa Sibagat Municipal Station sa eksklusibong pakighinabi sa Bombo Radyo Butuan, nakig-inom matud pa ang suspek nga si Andy Gala, sa tungod sa pwesto sa biktima sulod sa sabungan sa Purok 7, Brgy. San Vicente.
Nagkalalis matud pa sila og dihang wala na muhong pa pagyawyaw ang biktima bisan og gibaharan kining tsap-tsapon, dinhi na mikuha og sundang si Gala dayong tigbas sa biktima nga dali niining gikamatay.
Gi-andam na ang kasong murder nga ipasaka sa kapulisan batuk sa at-large pa gihapong suspek. (Beth Ruiz)
