BUTUAN CITY – Daw subling nakita sa Pinoy Rescuer ang katalagman nga dala ni Bagyong Yolanda sa Tacloban City didto sa Palo, Indonesia.
Sumala pa ni Rey Garnace, magtutudlo gikan sa Philippine Normal University kon PNU-Leyte ug miyembro sa Sauveteurs Sans Frontières kon SFF ug kasamtangan karung lakip sa nagpahigayon ug rescue operation sa Palo, Indonesia daw susamang panghitabo ang ilang na-abtan sa Indonesia sa unsay nahitabo sa Tacloban.
Saysay pa niini, niadtong nihapak ang kalamidad sa Indonesia pinaagi sa kusog nga linog nga gisundan sa tsunami, mitawag kaniya ang SSF sa Israel og nagsugyot sa posibleng matabang ngadto sa Indonesia.
Nagmugna gelayon siya ug team nga motabang sa rescue efforts apan tulo lang silang malampusong naka-adtu nga gilangkuban nila Robert Abueva og Melvin Serrano nga pulos taga Tacloban.
Nagpakitabang pa sila sa kaela nga taga-Indonesia ug sa Philippine Embassy ug Immigration aron tugutang makasulod dungan sa pagbutyag nga estrikto ang gobyerno sa Indonesia diin dili basta-basta makasulod ang langyaw nga motabang sa rescue operation.
Sumala pa Garnace nga hilabihan gayud kadako ang damyos sa maong nasud ilabina sa daplin sa dagat. Musugat usab ang baho sa nadugta nang lawas sa tawo.
Mingaw pa kaayu ang lugar nga daw usa ka patay na nga siyudad. Apan mibilib kini sa paspas nga rescue operation sa mga Indonesians diin pag-abot niini niadtong Oktubre 4, ma-agian na ang mga kalsada. Apan ang mga tawo anaa lang sa gawas sa ilang panimalay og sa evacuation center tungod sa kahadlok nga matumpak pa ang mga dakbalay tungod sa mga after shocks.
Walay kuryente usab sa na-apektuhan sa kalamidad samtang wala pa nakarekober ang mga negosyante diin pipila lang ang nag-abli sa ilang negosyo og ang uban nagtinda-tinda nalang sa gawas. Gibutyag usab niini nga ugma, manguli na sila sa dinhe sa Pilipinas.
