BUTUAN CITY – Padayong giila sa otoridad ang nadugta ng patay’ng lawas nga nakaplagan sa kasundalohan sa bukirong bahin sa Carmen, Surigao del Sur.
Panawagan ni Ltc Xerxes A Trinidad, Commanding Officer sa 36IB, PA ngadto sa mga kadagkuan sa CPP- NPA nga ilhon ang nakaplagan nga nadugtang lawas aron mahatagan kini ug eksaktong lubong ingon man nga mapahibalo usab ang pamilya sa niini.
Nasayran, nga niadtong Septyembre 7, 2018 dunay panag bayluay sa mga buhing bala tali sa kasundaluhan ug armadong NPA didto sa bukirong bahin sa Brgy. Hinapuyan, Carmen, Surigao Del Sur, diin ang maong patay’ng lawas nakaplagan usab sa pangpang nga bahin sa maong bukid sa naasoyng dapit sa mga tropa sa kasundaluhan samtang nag himo kini og padayong clearing operation niadtong Oktobre 4, 2018.
Apil sa mga narekober kilid sa nahimutangan sa patayng lawas ang 9 rounds sa 40mm, M2O3 grenade Ammunition, 1 Bandolier ug butas. Una ng giangkon sa NPA nga duna silay nawala nga kaubanan human sa nahitabong engkwentro. Sa karon na turned-over na sa tropa sa 36IB, PA ngadto sa kapulisan ug LGU Carmen, Surigao Del Sur ang patay’ng lawas kansa anaa karon sa usa ka Funeral homes, sa Madrid, Surigao Del Sur.
