-- ADVERTISEMENT --
BUTUAN CITY – Gipa-ilalom na sa confirmatory testing ang walo ka sachets sa gidudahang shabu nga nakumpiska atol sa gihimong Oplan Galugad kagahapon sa annex building sa Surigao del Sur Provincial Jail nga nahimutang sa lungsod sa Lianga.
Sa pakighinabi sa Bombo Radyo Butuan, gibutyag ni P/Sr. Insp. Amos Moreno – hepe sa Lianga Municipal Police Station, ilang gihimo ang operasyon human nakadawat og impormasyon nga duna matud pa’y mga kontrabadong gipalusot sa maong prisuhan.
Atol sa operasyon, gipangrekisa og gipagawas sa mga selda ang mga piniriso apan pag-abot sa selda 2, didto na nakita ang maong mga epektos.
-- ADVERTISEMENT --
Padayon pang gipakisayran sa mga otoridad kung kinsa ang nanag-iya niini og kung asa kini gikan. (Beth Ruiz)
