BUTUAN CITY – Naghikay na og kasong ipasaka ang kapulisan sa lungsod sa Nasipit, Agusan Del Norte human gisulod sa mga armadong lalaki nga nagpatoong miyembro sa New People’s Army ang usa ka tindahan sa may Barangay 7 kagahapon sa alas 8:30 sa buntag.
Kini ang gikumpirma ni P/Sr. Insp. Calvin Placer, Hepe sa Nasipit Municipal Police Station human sa follow-up investigation nga ilang gihimu. Sumala pa sa opisyal dunay pangalan ug hulagway na silang nakuha gikan sa tag-iya sa ELC Trading og tindera niini nga makonsiderang mga suspetsado nga misulod sa balay.
Lakip na niini ang kanhe mga trabahante sa maong tindahan rasong na-suheto kini sa maong lugar og ang oras nga molakaw ang tag-iyang lalaki nga si Engelbert Calo og ang mabilin sa balay ang iya lang asawa ug duha ka gagmay pang mga anak.
Sumala pa sa hepe nga dili moubos sa 10 ka mga lalaking miyembro sa NPA ang miatake sa lugar diin 4 lang kanila ang nakitang dunay mubo nga klase sa armas.
Nakuha sa mga niini ang usa ka Taurus caliber 40 og usa ka magazine nga puno sa mga bala adiser sila misibat sakay sa 5 ka single motor diin pag-abot sa national highway, nagbulag-bulag ang mga niini apan dunay mipadulong sa bukirang parte sa may Barangay Camagong. (Rolan Janea)
