BUTUAN CITY – Ang pagtarong sa eskwela maoy tugon matud pa ni Pangulong Rodrigo Duterte kaniya sa ilang panagkita atol sa panihapon.
Kini ang gibutyag sa viral kid nga si Giltler Yañez human ang wala damhang insidente sa eksklusibong pakighinabi sa Bombo Radyo Butuan, dungan sa pagbutyag nga tumang kalipay ang iyang gibati dihang gihatagan sila sa pangulo og tag-usa ka cell phone sa iyang ate.
Apan gitugon matud pa sa pangulo nga dili kini dalhon sa eskwelahan aron dili makadisturbo sa ilang klase sa ingon makab-ot matud pa ang iyang pangandoy nga mamahimong pulis.
Iya usab nga giklaro nga duna pa siya’y 7-pesos nga pangpalit og sud-an apan tungod kay hurot na ang baligya, rason nga ang suka og tuyo na lang ang iyang gisagol sa kan-on.
Samtang pulos positibong paghulagway ang gibungat sa magtutudlo ni Yañez nga si Geraldine Loma kang Yañez kalabot sa iyang personality kondiin gawas nga dili kini malnourish, okey lang ang performance niini sa klase og maayo matud pang mudala sa iyang mga classmates taliwa sa iyang ka-transferee. (Beth Ruiz)
