BUTUAN CITY – Kanselado na ang tanang biyahe sa mga sakyanang pandagat sa Surigao Strait tungod sa mga dakong balud og kusog nga hanging hatud sa mu-abutay pang bagyong Ompong.
Sa pakighinabi ning sibyahan kang Chief Petty Officer Jeoffrey Monta sa Philippine Coast Guard kon PCG-Surigao del Norte, gibutyag niining sugod kaganinang buntag, wala na sila’y gitugutang mubiyahe gikan sa Lipata Port padulong sa bisan asang bahin sa nasud sama niadtong padulong sa Cebu City, Leyte, Dapa sa Dinagat Island og uban pa.
Sa pagkutlo niini nga balita, duna na’y 151 ka mga pasahero ang na-stranded koniin 91 niini anaa sa Macapagal-Arroyo base port sukad pa kagabii samtang 60 ang anaa sa Lipata ferry terminal.
Samtang sa rolling cargo, duna’y dose nga anaa sa Macapagal Arroyo base port og 15 sa Lipata ferry terminal wala pa’y labot ang atua sa San Jose, Dinagat Island nga tulo.
Wala matud pa’y angayang kabalak-an tungod kay nagtambayayong ang nagkada-iyang ahensya sa gobyerno aron ma-cater ang panginahanglanon sa maong mga pasahero. (Beth Ruiz)
