BUTUAN CITY – Gimanduan na ang tanang Municipal Disaster Risk Reduction Officers kon MDRRMOs og Barangay Disaster Risk Reduction Management Council kon BDRRMCs sa Surigao Del Norte nga pahugtan ang monitoring ilabina sa mga daplin sa baybayon dungan sa pag-abiso sa mga mananagat ug kadtong mga gagmay nga sakyanang pandagat nga dili na molawig pa aron maseguro ang ilang kaluwasan.
Kini ang pamahayag ni Gobernador Sol F. Matugas alayon na usab sa pagkuso-kuso ni Super Typhoon Ompong.
Una nang gideklara ang pagsuspende sa klase sa PreSchool ngadto na sa Elementaryang lebel karung adlawa tungod sa daot nga panahon nga nagdala ug pagulan nga posibleng maka-triger sa pagbaha og pagdahili sa yuta.
Sa gipahigayong CDRRMC- Emergency Meeting gipa-activate na usab 24/7 ang command center samtang naka-standby sa posibling mobilisasyon ang tanang logistics.
Bisitahon usab sa gi-activate nga CDRRMO Cluster teams ang ilang na-assigned nga Barangays alang sa himoong assessment.
Mahinumdumang misulod sa Pilipinas kagahapon sa alas 3:00 sa hapon ang Super Typhoon Ompong.
