BUTUAN CITY – Padayon pa ang lawom nga imbestigasyon sa Butuan City Police Station 4 sa pakyas nga pagpusil-patay sa school principal sa Aupagan National High School kagahapon sa udto.
Sigon ni P/Sr. Insp. Joel Amado – deputy commander sa maong istasyon, padayon pa nilang gi-establisar ang motibo tungod kay bisan ang biktimang si Levi Balbarino, residente sa Brgy. Holy Redeemer ning siyudad ingon man ang iyang pamilya og mga kaubanan sa trabaho, wala ma’y nasayrang duna kini atraso.
Nasayrang nagpatudlo sa usa sa mga estudyante ang naka-mask og naka-helmet nga suspek kung kinsa si Balbarino og dnhi na siya gibunutan og pistola dayong tiro apan wala kini mi-igo sa biktima kinsa daling mikaratil og dagan.
Narekober nila sa crime scene ang lima ka mga basiyo sa kalibre 45 nga pistola.
Nakig-alayon na usab sila sa Butuan City Police Station 2 diin nasakop ang barangay nga gipuy-an sa principal og dinhi ilang nasuta nga wala kini dautang record labaw nga wala usab kini makutay sa ginadiling druga.
