BUTUAN CITY – Magpahigayon ug entrance examination ang Philippine Military Academy kon PMA karung Domingo, Setyembre 9 sa may Caraga State University kon CSU sa may Barangay Ampayon ning siyudad sa Butuan.
Kini ang gipahibalo ni Capt. Jun Cordero, Civil Military Operation kon CMO Officer sa 401st Brigade Philippine Army sa pakighinabi ning sibyahan. Ang kinahanglan lang dalhon mao ang permit, valid ID og duha ka pencil number 2.
Sa mga walk-in applicants, kinahanglan ang Transcript of records kon TOR sa nakagradwar sa kolehiyo, Form 137 usab sa Highschool graduate, ang certification sa grado sa First Grading Perion sa mga Grade 12 applicants.
Lakip sa dalhon ang birth certificate, 2×2 picture nga dunay putting background. Gipahimangnoan ni Capt. Cordero nga kinahanglang adiser pa ang alas 7:00 sa buntag, anaa na sa venue ang mga gustong mokuha sa examinasyon.
Kini dungan sa pagbutyag nga dunay dili gayud ma-akomodar nga indibidwal tungod sa kadaghan sa gustong musulod sa PMA. Giklaro usab ni Capt. Cordero nga walay bayad ang maong eksaminasyon. (Rolan Janea)
