BUTUAN CITY – Nagpadayon ang imbestigasyon sa kapulisan sa lungsod sa Rosario, lalawigan sa Agusan del Sur aron matumbok og masikop ang mga responsable sa pagpusil-patay sa managsoong minero.
Naila ang mga biktimang sila Joseph Daniel, 20-anyos og Adam Daniel Quilaman, 22-anyos, pulos trabahante sa Philsaga Mining Corporation og residente sa Brgy. Imelda, Bunawan, Agusan del Sur.
Migawas sa inisyal nga imbestigasyon sa kapulisan nga sakay sa motorsiklo ang mga biktima aron unta mupa-uli na gikan sa ilang trabaho dihang gipamusil pasado alas-11:30 ning mi-aging gabii sa Purok 9, Brgy. Bayugan 3, lungsod sa Rosario.
Narekober sa crime scene ang tulo ka mga basiyo sa gitu-uhang kalibre 45 nga pistola og apil sa padayong gisuta sa kapulisan ang motibo sa kremin. (Beth Ruiz)
