BUTUAN CITY – Mala-umon ang mga Overseas Filipino Worker kon OFWs sa Jordan nga dakong tabang ang pagbisita ni Pangulong Duterte sa nasangpit nga nasud aron ilang mapa-abot ang ilang mga yangungo.
Gibutyag ni Bombo Radyo Butuan International correspondent Marjorie Majorenos, taga- Cagayan de Oro City ug kasamtangang atua sa Jordan, higayon na ang gikatakdang pakigpulong sa presidente kanila sa Filipino community ugmang adlawa aron mapa-abot kini ngadto sa pangulo.
Kasagaran matod pa reklamo sa mga OFWs sa Jordan ilabina sa mga domestic worker ang kawala’y day off ug pagmaltrato hinungdan nga kadaghanan kanila nanglayas.
Gibutyag ni Marojenos nga kapin kon kulang 40-mil ang mga Pinoy ang atua sa Jordan diin 16-mil lang niini ang mga documented OFWs.
Nasayran nga naghulat ang mga OFWs hangtod tungang gabii kagabii sa gawas sa gisak-ang hotel sa pangulo aron unta siya makita apan napakyas sila busa paninguhaon na lang nilang makatambong sa himuong panagpulong tali sa mga Filipino community kauban ang Presidente ugmang adlawa – Biyernes.(Melody Valledor)
