BUTUAN CITY – Gipasakaan na og kasong adultery ang usa ka ginang samtang concubinage usab ang kabit niini human sila nasakpang parehong hubo og nag-sex sulod sa usa ka lodging house ning siyudad sa Butuan.
Sigon sa taho sa Butuan City Police Station2, midangop sa ilang istasyunan ang 32-anyos nga lalaki bitbit ang mga hubo nga hulagway sa duha kansa nakuha gikan sa gi-hire niining indibidwal nga gitahasan pagsunod sa iyang asawa.
Nanulod matud pa sila sa usa ka lodging house sa may Purok 5, Brgy. Doongan ning siyudad og dali usab nga girespondihan sa kapulisan og dihang subli na untang mag-sexcapade, dinhi na misulod ang mga pulis og ang bana sa 27-anyos nga ginang kondiin wala na sila makalihok pa resulta sa ilang pagkasapon.
Apil sa gikasuhan ang 35-anyos nga kabit niining si Mark nga taga-Brgy. Villa Kananga ning siyudad human nasayrang minyo usab kini.
Parehong temporaryong gawasnon ang duruha human nakapyansa. (Beth Ruiz)
