BUTUAN CITY – Nagkadaiyang mga investment ang madala sa pagpa-uli ni Pangulong Rodrigo Duterte sa nasud human ang pagbisita sa Israel.
Sa eksklusibong pakighinabi ngadto sa negosyanteng si Ryan Anthony Culima kinsa apil sa delegasyon sa pangulo, gipadayag niining daghang mga imbestor ang ilang nakahinabi ug nagpadayag ug interes nga musulod sa Pilipinas.
Pipila sa mga niini gikan sa irigasyon, armas, kuryente ug IT Programs ilabina nga human sa meeting ni Pangulong Duterte kang Israeli Prime Minister Benjamin Netanyahu, duna na’y napirmahang tulo ka mga kasabutan.
Samtang gipadayag usab ni Culima nga duna na silay nahinabing mga negosyante sa Israel nga pwedeng dalhon sa Caraga Region og dakong tabang sama sa industriya sa isdaan.
Mipasalig usab ang mga negosyanteng Israelis nga sila na mismo ang mangita ug partner agencies og pondo aron makatabang sa mga mag-uuma sa Pilipinas. (Rolan Janea)
