BUTUAN CITY – Tinguha sa business delegation sa pagbisita ni Pangulong Rodrigo Duterte ngadto sa Israel ug Jordan nga makakita ug uportunidad sa negosyo, mga partnership o business engagement nga mahimong dalhon sa Pilipinas o kaha mga negosyante nga dalhon ngadto sa maong nasud.
Kini ang giklaro ni Ryan Anthony Culima, lakip sa delegasyon sa Pangulong Duterte nga nagrepresenta sa business sector.
Gibutyag pa niini nga halos 80 porsiento sa kita sa Israel nagsumikad sa tourismo tungod sa daghang toristang mobisita sa gibansagang The Holy Land.
Samtang tungod sa kadaghan sa mga Overseas Filipino Workers kon OWFs sa maong nasud, nakita ni Culima nga kini ang sentro sa pagbisita sa pangulo.
Boot matud pang segurohon ni Duterte ang kinabuhi sa mga Filipinos sa maong mga nasud ilabina kay nakabaton kinig away sa utlanan.
Saysay pa ni Culima nga sa duha kahigayon nang nakabisita sa Israel, nasuta niini nga bisan ug dunay anti-missile defense system nga gitawag ug Iron Dome, dili gihapon kampante ang mga Israelita tungod kay dili man gihapon mabasa ang huna-huna sa estremistang tawo nga pwedeng magsabwag ug kagubot sa ilang dapit.
Magsugod ang pagbisita ni Pangulong Rodrigo Duterte sa Israel karung Septembre 2 hangtud sa 5 kondiin moderetso kini sa Jordan hangtud sa Septembre 8 adiser mobalik sa Pilipinas si Pangulong Duterte. (Rolan Janea)
