BUTUAN CITY – Igo nalang nga nagpatala sa kapulisan sa Butuan City Police Station 1 ang usa ka sundalo nga nasalisihan sa bayarang babaye ning siyudad.
Sa pagsaysay sa wala magpa-ilang biktima, tulo silang gikan sa lungsod sa Talacogon, Agusan del Sur nga milugsong dinhi sa syudad aron maglingaw-lingaw.
Alas dose matud pa sa tungang gabie dihang ilang nakabagat gikan sa imanan ang tulo ka mga babayeng naghanyag ug lawasnong kalipay bugti sa tag-usa ka libo pesos nga bayad sa matag usa.
Nagka-uyon silang magkumbati hinungdan nga misulod sila sa usa ka lodging house apan pag-abot sa alas-2:00 sa kaadlawon namathan na lang sa biktima nga wala na ang iyang kaisparing dugang sa pagkahanaw sa iyang 24-mil pesos nga kwarta.
Nanghina-ot na lamang silang mapalgan pa nila ang anga suspek aron makuha ang kwarta og mapasakaan ug tukmang kaso. (Kevin Linaac)
