BUTUAN CITY – Nagkurog sa kahadlok ang kanhi kapitan sa Brgy. Bit-os ning siyudad sa Butuan human sunod-sunod nga gipabuthan sa usa ka sundalong gi-deploy sa maong barangay kaganinang buntag dapit sa elementaryang tunghaan sa maong barangay, human matud pa naala-ang sparrow sa New People’s Army kon NPA.
Sigon sa biktimang si Victor Carampatana, paggawas pa lang niya sa ilang pinuy-anan kaganinang alas-dies sa buntag aron mu-adto sa iyang igsoong si Ramon sa Brgy. San Vicente, nakamatikod na siya sa duha ka motorsiklong nagsunod-sunod kaniya nga duna’y kadudahang lihok.
Kini matud pa ang hinungdan nga nagpa-distansya siya sa may kahoy’ng Acacia dapit sa tunghaan og dihang iya kining gilingi, gigukod na matud pa siya og ti-on sa taas nga armas nga gisundan na og mga buto-buto sa armas hinungdan sa paturatoy niya og padagan sa iyang motorsiklo.
Sa eksklusibong pakighinabi ning sibyahan, gibutyag sa biktima nga pila ka higayon siyang midoul sa maong mga sundalo human sa hitabo aron madunggan man lang unta ang ilang pagpangayo og dispensa apan pakyas siya tungod kay siya pa ang gikwestyon kung nganong wala matud pa siya mihunong.
Samtang –
Gikumpirma ni 1st Lt. Ruel Maglalang – hepe sa Patrol Base sa 23rd IB, Philippine Armya nga duna’y mission order ang mga sundalong nagpa-arak sa ilang armas tumong kang kanhi Kapitan Victor Carampatana.
Sa eksklusibong pakighinabi sa , gibutyag ni Lt. Maglalang nga gi-deploy ang maong mga sundalo base na usab sa sumbong sa mga residente nga duna’y ilang nasigpatang sparrow unit.
Tumong matud pa niini nga mamintina ang kahapsay og kalinaw sa maong barangay og aron malikayan na usab ang mga kaso sa kamatay.
Giklaro niining dili ang kanhi kapitan ang target sa iyang mga sakop og nataymingan lang nga gipabuthan kini dihang padayong mipaturatoy pagpadagan sa iyang motorisklo dihang kini gipahunong. (Beth Ruiz)
