BUTUAN CITY – Muabot sa kapin 4 milyones pesos nga kantidad sa shabu og marijuana ang gisunog sa may grandstand sa Police Regional Office kon PRO-13 ning siyudad sa Butuan atol sa selebrasyon sa ika-117 Police Service Anniversary.
Ang nasunog gilangkuban sa 630.64 gramos nga shabu nga dunay market value nga 4-milyones 287-mil 713 pesos og ang 3.5 gramos nga marijuana ngamikantidad og 422 pesos.
Sigon sa Assistant Regional Director sa Philippine Drug Enforcement Agency kon PDEA-Caraga nga si Irvin Jon Coredes, ang nasangpit nga mga gidiling butang ang nadisesyunan na sa korte hinungdang pwede na kining sunogon.
Gisaksihan kini mismo ni Police Director General Oscar Albayalde kauban sila Agusan Del Norte Governor Angelika Rosedell Amante Matba, representante gikan sa PDEA, PAO og media.
Gipahayag pa ni Coredes nga gitimbang pag-usab ang shabu og marijuana adiser kini gisunog diin ang mga misaksi kinahanglang mopirma adiser magsubmite ngadto sa korte isip pamatood nga kini gisunog. (Rolan Janea)
