BUTUAN CITY – Tumang kabalaka ang gibati sa magti-ayong Banag-Banag sa lungsod Claver, Surigao del Norte tungod sa pagka-possess matud pa sa ilang 15-anyos nga dalagitang anak.
Sigon sa inahang si Nelia Banag-banag, sa eksklusibong pakighinabi sa Bombo Radyo Butuan, kalit lang matud pa ang maong panghitabo niadtong Huwebes human nakuyapan dihang misimba ang iyang anak didto sa Placer pasado alas-tres sa hapon, dali matud pa kining gidala sa klinika sa Bad-as diin didto na sila mi-apas og gibutyag pa doktor nga nag-atiman niini nga wala’y problema sa panglawas ang iyang anak hinungdan nga mipa-uli sila pasado alas-onse na sa gabii.
Pagka-Biernes matud pa, mi-eskwela ang dalagita kondiin gipahibalo na usab sila nga gitabang na usab kini hinungdan nga gidala na usab nila kini sa Caraga Regional Hospital diin wala usa’y gipagawas nga findings ang doktor hinungdan nga gitambagan kining papahulayon lang una tungod sa sobrang stress.
Apan sa ospital pa lang nasaksihan matud pa niya ga muhiwid na ang iyang anak kung tabangon rason nga gihatagan sila og tambal sa doktor nga maoy mupakontrol matud pa niini.
Dihang gidala na kini sa tambalan aron ipabisaya, dinhi na matud pa musukol ang iyang anak nga makig-away sa tambalan rason nga na nasudlan matud pa kini og dautang espiritu.
Dili matud pa engkanto ang nagsamok sa iyang anak kondili dautang espiritu tungod kay mamuwa matud pa ang mga mata niini.
Ang kanunay matud pang isaysay sa iyang anak human makuyapan ang pagpunay og duol sa usa ka tiguwang ngadto sa iyang anak og mihangyong pa-blessingan ang eskwelahan samtang wala pa maguba ang ipagubang building sa maong tunghaan.
Sa pagkutlo niini nga balita maayo na matud pa ang iyang anak nga gani nagkaon na. (Beth Ruiz)
