BUTUAN CITY – Ipaagi sa simpleng pag-ampo ug pagpasalamat sa mga kaigsuonang Muslim ning dakbayan sa Butuan ang kasaulugan karong adlawa sa Eid’l Adha.
Gibutyag ni Sultan Gamal Amerol nga usa sa ilang mga kalih ukan mao ang paghatag sa ilang Imam og sermon aron pagsaysay sa nahimong sakripisyo ni propheta Ibrahim nga naninguhang matukod ang mosque sa Mecca sa Saudi Arabia bugti sa iyang nag inusarang anak nga si Prophet Ismael.
Gipasabot ni Sultan Amerol nga ang pagsaulog sa Eid’l Adha mao ang pagsakripisyo aron sa pagkab-ot sa gitinguha pananglitan na lang ang pagsalindot una sa personal nga interes alang sa matinud-anong pagserbisyo sa katawhan.
Mala-umon ang Sultan nga mapasabot dili lang sa mga kaigsuonang Muslim kondili apil na sa mga Kristiyano ang kamahinungdanon sa Eid’l Adha. (Melody Valledor)
