BUTUAN CITY – Tumang kalipay ang gibati sa magtutudlong si Chris Givenchi Edejer nga taga-Mintal, Davao City human nasayran kaganinang buntag pinaagi sa gipadala kaniyang text message gikan sa organizer ang pagka-apil sa iyang entry isip finalist sa Bombo Music Festival 2019.
Sa eksklusibong pakighinabi ning sibyahan, iyang gibutyag nga gipabasa gilayon niya sa iyang asawa ang nadawat nga message kinsa mibati usab og tumang kalipay sama kaniya.
Iyang giklaro nga mi-apil na usab siya sa susamang kompetisyon ning mi-aging tuig apan wala siya giswerte hinungdan nga nanghinaut siyang padayon na unta siyang swertihon karong tuiga.
Gi-compose matud pa niya ang iyang kantang ‘Hangga’t Ako’y Nabubuhay’ pipila ka adlaw adiser ang anibersaryo sa kasal nila sa iyang asawa kondiin ang ilang pakigbisog nga magpabiling lig-on taliwa sa mga pagsuway, maoy gihimo niyang inspirasyon.
Kini usab ang ang paborito sa iyang asawa sa iyang mga song compositions.
Nasayrang nagtudlo usab siya og mga musical instruments ngadto sa mga interesadong estudyante nga gustong makakat-on sa paggamit og gitara, piano og uban pa gawas nga assistant trainer usab siya choir sa ilang simbahan.
Ubay-ubay na matud pa nga mga song compositions ang iyang nahimo apan ang iyang gi-apil nga entry sa Bombo Music Festival mao ang duna’y dakong impact alang kaniya.
Nasayrang sa mismong adlaw sa Grand finals, duna’y interpreter si Edejer sa iyang komposisyon nga ka-ubanan ra niya sa ilang simbahan. (Beth Ruiz)
