BUTUAN CITY – Gibana-banang muabot sa 2-milyones pesos ang damyos sa natigayong sunog kagabii sa alas 6:45 sa may Purok Mercury, Telaje, Tandag City, sa Surigao Del Sur.
Miulbo ang kalayu sa kabalayang bahin sa lugar nga daling girespondihan sa mga bombero sa Tandag City Central Fire Station, kapulisan sa Tandag City Police Station, 36 IB AFP, PA ug kapulisan gikan sa Provincial Mobile Force Company.
Niresponde usab ang BFP sa sikbit nga munisipyo sama sa San Miguel, Madrid, Cortes, Marihatag ug Lanuza.
Walay kinabuhi nga naangol sa maong hitabo ug padayun pang gisusi ang hinungdan sa maong sunog, sa kasamtangan kapin kon kulang 2-milyones pesos ang kantidad sa kabalayan ug kabtangan nga naugdaw sa maong kalayo.
Nakontrolar ang maong sunog sa alas 9:00 sa gabii ug gideklara kini nga FIRE OUT sa alas 10:30 ang takna sa kagabihion.
