BUTUAN CITY – Wala na palabya pa sa kapulisan sa Cabadbaran City sa lalawigan sa Agusan del Norte ang usa ka pulis nga drug suspect human kini misukol sa gihimong drug buy bust operation kaganinang alas-2:40 sa hapon.
Na-ila ang napatay nga si PO1 Ric Lyndon Cena, 11-ka tuig na sa serbisyong pamulis og nadestino sa municipal police station sa lungsod sa Remedios T. Romualdez kon RTR nga kasikbit lang sa Cabadbaran City sa lalawigan usab sa Agusan del Norte.
Nasayrang pila ka semana nang gipanid-an ang suspek og dihang nakumpirmang duna kini ilegal nga operasyon sa Brgy. Tolosa sa Cabadbaran City kagahapon, dinhi na nila siya gi-operasyunan.
Dihang nakita matud pa sa suspek nga duna’y ka-ubang mga pulis ang iyang katransaksyon dali kining mibunot sa iyang 9mm pistol rason nga dinhi na siya gipusil resulta sa iyang hinanaling kamatayon.
