BUTUAN CITY – Gibana-banang mukabat sa 2.5-milyunes pesos nga balor sa mga tanom nga marijuana ang nalarot sa kapulisan sa lungsod sa La Paz, Agusan del Sur didto sa hilit na kaayong lugar sa Brgy. Casapa Dos sa maong lungsod.
Sigon ni La Paz Municipal Police Chief Sr. Supt. Joselito de los Santos, padayon pa nilang gisuta ang responsable pagtanom sa 200 ka punuan sa marijuana nga gibana-banang mitimbang og 20-kilos aron usab mapanubag sa kalapasang nahimo.
Sa eksklusibong pakighinabi ning sibyahan, gibutyag ni Insp. de los Santos nga dihang nakadawat sila og impormasyon kalabot sa maong plantasyon, ila kining gipa-surveillance og dihang nakumpirma, gihimo gilayon ang operasyon pasado alas-3:30 kagahapon sa hapon.
Tungod sa kalayo na kaayo sa maong lugar og sa kadaghan sa mga nalarot nga punuan, gipangsunog na lang kini sa maong dapit apan nagdala gihapon sila og pipila ka punuan aron gamitong ebidensya sa maong operasyon og alang sa kasong ipasaka unya higayon matumbok na ang responsable. (Beth Ruiz)
