BUTUAN CITY – Giklaro ni P/ Sr. Insp. Gildo Ruasa, Hepe sa Police station sa lungsod sa Las Nieve, Agusan Del Norte nga self accident ang nahitabo sa may Purok-1, Barangay Lingayao sa niaging alas 11:50 sa gabii diin mikalas kini sa duha ka mga dalagita.
Giila sa opisyal ang mga biktima nga sila Ireca Isarsa, 17-anyos, grade 10 student, Chelo Busio, 15-anyos og Christine Barsubia-28-anyos nga parehong taga-Barangay Maningalao sakop sa maong lungsod.
Sa inisyal nga imvestigasyon, kusog ang dagan sa single motor nga pauli na gikan sa Barangay Tungao. Wala nakabantay ang drayber nga kalit lang nga nag-2 lanes ang dalan sa kurbadang bahin hinungdan nga wala na makontrola ang manubela.
Midasmag ang single motor sa punuan sa lubi adiser usab mibangga sa semento nga pader. Milagpot ang drayber sa single motor nga si Isarsa nga dead-on-the spot samtang si Busio usab gideklarang dead-on-arrival sa ospital og nakahiagum ug mga pangos sa kalawasan si Barsubia.
Samtang gibutyag usab sa Hepe nga nahinabi niini ang pamilya sa mga biktima ug kumbinsido silang self accident lang ang nahitabo sa ilang mga kabanay.
