BUTUAN CITY – Sikop sa mga sakop sa Philippine Coast Guard kon PCG ang kapin saa tunga sa milyon ka pesos nga kantidad sa mga illegally-cut logs nga gisakay sa usa ka trak nga duna’y gikabit nga tarpaulin sa DSWD-XII Disaster Relief Operations aron makalusot sa mga checkpoints.
Sigon ni Chief Petty Officer Joefrey Monta sa PCG-Surigao, gi-inspeksyon nila ang truck nga pasakay na unta sa barkong padulong sa Cebu City aron matud pa ihatod ang mga relief goods apan nadiskubrehan nila ang lulan niining mga iron woods nga Magkono og Camagong.
Gipahibalo gilayon kini ngadto sa tag-iya sa trak nga si Neil Caballero Simpao, 37 anyos, residente sa Blessed Lorenzo Village, Puan, Talomo District, Davao City nga dali usab niining girespondihan og dinhi na nasayran nga girentahan ang iyang sakyananan sa kantidad nga 80-mil pesos aron maghakot matud pa og furniture gikan sa Barobo, Surigao del Sur.
Hangtud sa pagkutlo niini nga balita, wala na ma-contact pa ang driver niining si Baltazar Dapar, 40-anyos, residente sa Tigatto, Buhangin District, Davao City.
Anaa na sa kostudiya sa Department of Environment and Natural Resources (DENR) ang balor 600-mil pesos nga kandidad sa mga hardwoods og ang sakyanang gikargahan niini. (Beth Ruiz)
