BUTUAN CITY – Padayon ang imbestigasyon sa ginsakupan sa Butuan City Police Station 3 sa natigayong pagpanglungkab nga mibiktima sa tulo ka mga dalagang pulis og usa ka sibilyan.
Hangtud na lang sa pagpatala ang nahimo a mga biktimang pulis human nasulod sa kawatan ang gipuy-an nilang boarding house sa Purok-4, Barangay Libertad ning siyudad sa Butuan.
Na-ila ang mga biktimang sila PO1 Joana Lozada, 25-anyos, taga Purok-Santan, Buntod, Tandag City, Surigao del Sur; PO1 Stel Maris Marial, 25-anyos sa Purok Pag-asa Barangay Rosario, Tandag City; PO1 Mariel Estival, 29-anyos, taga-Maramag Bukidnon og sibilyan nga si Joyce Galumay, 29-anyos, nga taga Lala Maranding, Lanao Del Norte.
Nakuha sa wala pa ma-ilang suspek ang pito ka mga cellphones nga nagkantidad og kapin sa 53-mil pesos apil na ang ilang mga importanteng IDs og passbook.
Nasayran sa inisyal nga imbestigasyon nga nag-jogging ang maong mga pulis og sa ilang pagpa-uli, didto na nila nadiskubrehang gisulod na sa kawatan ang ilang boarding house. (Rolan Janea)
