BUTUAN CITY – Gikasuhan sa Ombudsman og graft ingon man malversation ngadto sa Sandiganbayan si Agusan del Sur Governor Adolph Edward Plaza og laing 13 pa ka mga provincial officials kalabot sa anumalusong pag-purchase sa balor 9.9 milyunes pesos nga fertilizers niadtong tuig 2004. Ang matag-ihap sa maong kalapasan sa Section 3(e) sa Anti-Graft and Corrupt Practices Act og malversation ubos sa Article 217 sa Revised Penal Code gipasaka na matud kang Plaza.
Na-atubang usab og susamang kaso ang mga kanhi provincial government officials nga sila Jesusimo Ronquillo, Cristobal Cellan Jr., Maximo Gegato Jr., Niceto Ranario, Celsa Sanchez, Andre Bustamante, Arnold Calang, Sofronio Raro, Villa Udad, Emmanuel Quiban, Pamela Yucosing, Domingo Castro Jr., og Roberto Natividad gawas nila Bustamante og Calang, nga wala malakip sa malversation charge.
Ang representante sa Feshan Philippines Inc. nga si Lucio Lapidez mao lang ang bugtong private respondent sa maong kaso.
Gi-akusahan sila sa Ombudsman nga naghatag og unwarranted advantage ngadto sa Feshan tungod sa pag-purchase sa fertilizers sa kantidad nga 9.9 milyunes pesos tali niadtong Marso hangtud Mayo 2004.
Gibutyag sa prosekusyon nga misulod ang provincial government ngadto sa usa ka kontrata tali sa Feshan taliwa sa mga iregularidad og sa mga kalapasan niini sa Government Procurement Reform Act.
Apil na niini ang kakulang sa public bidding og kapakyas pagsunod sa mga kondisyon alang sa direct contracting, wala pag-post og security bond, nga diskrepansiya sa paghatud sa mga fertilizers, og kapakyas pag-monitor sa paggamit sa public funds.
Mu-abot sa kinatibuk-ang 70-mila pesos ang girekomendang pyansa alang sa matag-akusado sa kaso, gawas nila Bustamante og Calang nga gitugutang makapyansa og 40-mil pesos alang sa ilang temporaryong kagawasan.
