BUTUAN CITY – Gikalipay sa lokal nga panggamhanan sa dakbayan sa Butuan ang Bombo Bancarera 2018 Mindanao circuit – Second Leg kagahapong adlawa sa Masao beach Brgy. Masao, ning siyudad sa Butuan.
Personal nga nasaksihan ni Butuan City Mayor Ronnie Vicente Lagnada uban sa pipila ka mga konsehal og head og offices ang final round sa pinaka-unang karera sa mga bangkang de motora nga gipahigayon dinhi sa Butuan.
Sumala ni City Councilor Cromwell Nortega – chairman sa Committee on Sports sa Sangguniang Panlungsod, na-amaze ang mayor ning dakbayan sa maong karera tungod sa kapaspas sa mga boat riders nga naggukdanay sa race track.
Una nang nanghinaot si Konsehal Nortega nga subling magpahigayon ang motorbanca race sunod tuig.
Mapasalamaton usab ang lokal nga panggamhanan sa Butuan sa Bombo Radyo Philippines sa gi-organisa niining Bancarera kansa naghatag ug dakong kalipay og lingaw sa katawhan gawas nga nakatabang pa usab kini aron mas mapalambo pa ang historical Masao beach ning dakbayan. (Melody Valledor)
