BUTUAN CITY – Gidugok sa katawhan ang pinaka-unang Bombo Radyo Bancarera 2018 Championships Mindanao Circuit – second leg nga gihimu kaganina sa may Masao Beach sa Brgy. Masao ning siyudad sa Butuan. Gisalmotan kini sa 40 ka mga partisipante gikan sa nagkalain-laing lugar.
Sa maong malampusong lumba sa mga bangkang de-motor, nahimong mananaog ang entrante nga taga Iligan City nga si Chersah James Amantiad kangsa nadawat niini ang 20-mil pesos og trophy.
Anaa sa ikaduhang puwesto usab si Loverboy Deloy nga taga Surigao City og nadawat niini ang cash nga 10-mil pesos og trophy samtang 5-mil pesos og trophy usab ang nadawat sa ikatulong puwesto nga si Mark Torillo nga taga Surigao City usab. Ang mga wala midaug nga partisipante, nakadawat usab ug tag-usa ka libo ka pesos.
Naghatag ug kabibo ang maong bancarera sa maong beach resort og daghan ang nakadayeg sa maong padula.
Dunay napulo sa pinakakusog nga mga entrante ang maoy mu-away sa championship round ning tuiga nga himuon sa General Santos City karung Setyembre 5.
Atol sa championship round, makadawat ang mykampyon og sien-mil pesos samtang 50-mil pesos sa ikaduhang mananaog og 30-mil pesos sa ikatulong mananaog.
Ang maong Mindanaowide motorbanca race, nagsilbing highlight sa ika-68 nga kasumaran sa Adlaw Hong Butuan kansa gidumala sa Bombo Radyo Mindanao area pagpanguna nila Area Manager Ricky Collado, race director og assistant station manager sa Bombo Radyo Cagayan de Oro City Bombo Michael Bustamante og mga personahe sa Bombo Radyo Butuan pagpanguna nila station manager Bombo Benjie Balansag og assistant station manager Bombo Edwin Bayer.
