BUTUAN CITY – Gikumpirma ni Capt. Al Anthony Pueblas, CMo Officer sa 402nd Brigada Philippine Army nga anaa sa luwas na ang kahimtang sa duha ka sundalo nga nasamdan human ang engkuwentro batuk sa New People’s Army kon NPA Kagahapong adlawa.
Natigayon ang engkuwentro alas 10:30 sa buntag sa may Sition Tabon, Aklan sakop sa lungsod sa Nasipit Agusan Del Norte.
Sumala pa sa opisyal nga nakadawat ang ginsakpan sa 23rd Infantry Battalion og impormasyon gikan sa nagpakabanang sibilyan nga dunay armado nga nangolekta ug revolutionary tax sa ilang dapit.
Gelayong naglusad ug combat operation ang kasundaluhan nga miresulta sa engkuwentro nga milungtad ug 37 minutos diin nahimong samaron ang duha ka sundalo nga na-igo sa nawong og sa paa apan anaa na kini sa luwas nga kahimtang.
Gibutyag usab ni Capt. Pueblas nga dunay usa ka amasona kon Babayeng rebelde ang napatay, base na usab sa mga estorya sa sibilyan.
Kini dungan sa pagklaro sa opisyal nga bakak ang gipagawas nga detalye sa pikas grupo nga dunay 4 ka sundalo ang nakalas sa maong engkuwentro.
Sa karun padayon ang gihimung pursuit operation aron gukuron ang mga misibat nga rebelde og marekober ang patay’ng lawas sa ilang kauban aron sa ingon mahatagan kini ug disenteng lubong.
