BUTUAN CITY – All set na ang pinaka-unang Bombo Radyo Bancarera 2018 Championships Mindanao Circuit – second leg nga himuon ugmang adlawa, Huwebes, Agusto 2 sa may Masao Beach sa Brgy. Masao ning siyudad sa Butuan.
Ang maong Mindanaowide motorbanca race, magsilbing highlight sa ika-68 nga kasumaran sa Adlaw Hong Butuan kansa dumalahon sa Bombo Radyo Mindanao area pagpanguna nila Area Manager Ricky Collado, race director og assistant station manager sa Bombo Radyo Cagayan de Oro City Bombo Michael Bustamante og mga personahe sa Bombo Radyo Butuan pagpanguna nila station manager Bombo Benjie Balansag og assistant station manager Bombo Edwin Bayer.
Gipasabot ni Bombo Ricky Collado nga pinasahi kini nga lumba sa dagan sa mga motorbanca tungod kay gihimo kining Mindanao Circuit aron ang napulo sa pinakakusog nga mga entrante, maoy mu-away sa championship round ning tuiga nga himuon sa General Santos City.
Atol sa championship round, makadawat ang mykampyon og sien-mil pesos samtang 50-mil pesos sa ikaduhang mananaog og 30-mil pesos sa ikatulong mananaog.
Bisan og Mindanao circuit ang maong kalihukan, duna gihapo’y mga racers gikan sa Visayas area nga mu-apil ilabina gikan sa Samar, Leyte og Bohol apan limitado lang ang mga entrante sa 40 ka buok kondiin first come, first serve basis ang pagdawat sa mga entrante.
Mamahimo pang magpalista ning sibyahan ang gustong mu-apil hangtud ugmang adlawa kondiin ang mukampyon sa maong kompetisyon dinhi sa Butuan leg makadawat og 20-mil pesos nga cash uban sa trophy samtang ang ikaduhang mananaog makadawat og 10-mil pesos plus trophy samtang 5-mil pesos nga cash plus trophy. Samtang ang mga dili makasulod sa major prize winners makadawat og tag-usa ka libo ka pesos ka pesos nga consolation cash prizes. (Beth Ruiz)
