BUTUAN CITY – Padayon pang gisuta sa Bureau of Fire Protection kon BFP-Butuan ang kinatibuk-ang ihap sa pamilyang nasunugan sa ilang pinuy-anan og ang damyos sa maong sunog nga natigayon kaganinang alas-dose sa udto sa may Purok 8, Slaughter sa Brgy. Obrero ning siyudad sa Butuan.
Sa eksklusibong pakighinabi ning sibyahan, gibutyag ni ground commander SFO4 Rodrigo Canton, nakontrola nila ang kalayo pasado ala-1:35 sa hapon apan wala pa kini madeklarang fireout.
Ila pang gisuta kung duna ba’y casualty sa maong sunog nga gi-isa sa second alarm kondiin sa inisyal nilang pakisusi, nagsugod pag-ulbo ang kalayo sa pinuy-anan ni Rose Sabalo.
Nasayrang atol sa sunog diin kamulo og hakot sa ilang mga butang ang mga residente, laing pamilya usab ang na-busy pag-alsa sa lungon sa iyang anak aron dili kini ma-apil pagkapa-ig.
Sigon sa amahang si Raymond Lapis, tungod kay tapad-tapad ang kabalayan sa ilang lugar, paspas kaayo ang pagkaylap sa kalayo, na-apil pagkasunog ang ilang balay diin gihaya ang iyang anak.
Tulo ka gabii na matud pa siyang wala’y tulog diin mu-adto unta sila sa minteryo aron magkabot na unta og kalubngan. Nagkahulog-hulog pa siya sa ilang taytayan sa pag-alsa sa lungon sa iyang anak nga ilang naplastar sa atbang nga bahin sa na-abo nilang balay.
Doble pa ang iyang kakulba nga gibati dihang nawala ang iyang usa ka anak na lang nga nabilin human kini na-missing resulta nga nahuwasan lang siya dihang nakit-an ra kining luwas rason nga okey lang kanila nga wala sila’y nakuhang mga gamit og mga sinina.
Samtang usa ka firetruck usab ang wala na maka-abot pa sa dapit nga nasunugan human kini nabangga sa poste sa maong lugar. (Beth Ruiz)
