BUTUAN CITY – Magkinahanglan pa og massive information education campaign ang mayoriya sa mga Filipino aron ilang masabtan ang unod sa federal constitution.
Kini ang depensa ni Atty. Francis Tolentino – political adviser ni Pangulong Rodrigo Duterte sa eksklusibong pakighinabi sa Bombo Radyo Butuan, subay na sa migawas nga survey nga mayoriya sa mga Filipino, wala’y ideya sa pederalismo.
Gibutyag sa opisyal nga gihimo ang survey niadtong nagsugod pa lang ang kampanya sa nasudnong kagamhanan alang sa pag-usab sa konstitusyon hinungdan nga natural lang ang reaksyon sa katawhang Filipino.
Dili matud pa kini angayang kabalak-an tungod kay sunod-sunod lang nga mga information dissemination ang kinahanglang himuon aron masabtan og maayo sa tanan ang unod og katuyuan sa maong charter change.
