BUTUAN CITY – Parehong anaa sa kostudiya sa Butuan City Police Station kon BCPS4 ang upat ka mga sakyanang nalambigit sa binangga-ay sa national highway sa Purok 3, sa Brgy. Antongalon ning siyudad sa Butuan hinungdan sa pagka-angol sa 28 ka mga tawo.
Sa maong ihap, anaa sa seryusong kondisyon ang driver sa traysikol nga si Renato Ladao, 59-anyos, ulitawo og residente sa Purok 1-B, Brgy. Ampayon ning lsiyudad sa Butuan samtang anaa sa delikadong kahimtang usab ang pipila sa 26 ka mga pasahero sa bus nga misirko human niini nabanggaan ang Toyota fortuner, Ford Ranger pick-up og ang traysikol.
Nasayrang padulong unta ning siyudad sa Butuan ang bus nga gimaneho ni Felixberto Tumilap, 50-anyos, residente sa San Francisco de Asis sa Davao City dihang gilikayan niini ang paliko untang Toyota Fortuner og Ford Ranger pick-up.
Apan kalit lang gikabig niini ang manibela pabalik hinungdan nga mi-igo sa likurang bahin sa Toyota resulta sa pagsirko niini sa luyong bahin sa Ford og mibangga sa DPWH outpost og sa traysikol adiser nakahunong ang bus dihang mitakilid na kini resulta sa mga natalang injuries. (Beth Ruiz)
