BUTUAN CITY- Gipasakaan na og kasong pagsupak sa RA 10591 kon Comprehensive Firearms and Ammunition Regulation Act ang tribal chieftain nga naaresto atol sa gipahigayong Oplan Paglalansag Omega sa may Agusan del Sur.
Gisikop gilayon sa mga sakop sa Criminal Investigation and Detection Group kon CIDG-Agusan del Sur si Crispin Alcopra Barrios Jr, 64-anyos, minyo og residente sa Purok 1, Brgy. Mambalilli, lungsod sa Bunawan, Agusan Del Sur.
Ang operasyon nga gipangunahan sa operating units CIDG-Agusan del Sur field unit, gi-ubanan sa mga sakop sa Bunawan Municipal Police Station, 1301st Regional Mobile Force Battalion kon RMFB Maneuver Company ug 133rd RMFB Maneuver Company.
Bitbit ang search warrant nga gi-isyu ni Judge Lou Nueva, presiding judge sa RTC 10th Judicial Region, Branch 7 nga nakabase sa Bayugan City, Agusan Del Sur , nakuha gikan sa suspek ang usa ka kalibre 45 nga pistola uban sa duha ka mga magazines og duha ka rounds sa mga buhing bala; usa ka US Carbine Cal.30 M1 uban sa usa ka magazine o g onse ka mga rounds sa bala niini. (Beth Ruiz)
