BUTUAN CITY – Mi-abot sa 60 ka mga tawo ang nadala sa ospital human na-food poison pipila ka oras human nangaon sa gi-andam nga pagkaon human ang oath-taking sa mga sitio officers og CVO members sa Brgy. San Isidro, lungsod sa Loreto, Agusan del Sur.
Sa eksklusibong interview sa Bombo Radyo Butuan ni P/Chief Insp. Lucio Datahan – hepe sa Loreto Municipal Police Station, gipadayag niining human ang oath-taking ning mi-aging alas-otso sa gabii sa pagpanguna ni Kapitan Roy Arguilles, nangaon gilayon ang mga mitambong.
Pagka-kaadlawon nagsugod na pagsakit ang ulo og tiyan sa mga nangaon hangtud nga nagsuka-suka na rason nga dali silang gidala sa ospital ni Kapitan Arguilles.
Padayon pang gi-imbestigahan sa mga concerned officials ang maong hitaho aron masayran kung asa sa maong mga pagkaon ang hinungdan sa food poisoning samtang padayon pang gitambalan ang ubang mga biktima ilabina ang mga nagrabihan. (Beth Ruiz)
