BUTUAN CITY – Mu-abot sa halos dos-mil ka mga tawo ang nanghikling gikan sa Sitio Han-ayan sa Brgy. Diatagon, sa lungsod sa Lianga, Surigao del Sur, tungod sa kabalaka nga madamay sa posibleng matigayong engkwentro tali sa militar og sa mga rebeldeng New People’s Army kon NPA.
Gibutyag sa Bombo Radyo ni Imelda Melandres – chairman sa Malahutayong Pakigbisog alang sa Sumosunod kon MAPASU, kaugalingon nilang desisyon ang paghikling tungod sa negatibong tubag sa militar sa ilang demand nga biyaan na ang ilang lugar.
Misilong karon ang mga bakwit sa gymnasium sa Brgy. Diatagon sa maong lungsod.
Samtang gipadayag usab ni Capt. Rodolfo Cordero – Civil Military Operations (CMO) officer sa 401st Brigade, Philippine Army nga ang mga rebeldeng NPA matud pa ang nagsugo pagpahikling sa mga lumad.
Gipaneguro usab opisyal nga musunod ang ilang tropa sa ilang mandato og respetuhon kanunay ang katungod sa mga lumad. (Melody Valledor)
