BUTUAN CITY – Mi-apela karon og suporta og pag-ampo ang lumad nga Agusanong finalist sa 22nd Annual World Championships of Performing Arts kon WCOPA nga matigayon karong Dominggo, Hulyo 14 – oras sa Pilipinas sa Long Beach, California, USA.
Kini human napiling usa sa lima ka mga finalists alang sa Senior Models – male category si
Aljun Pagyos Cayawan, usa ka pure Manobo, residente sa bayan ng Sibagat, Agusan del Sur og naningkamot nga makatungha sa Manila.
Sigon ni Atty. Ferdausi Cerna – municipal administrator sa lungsod sa Talacogon, Agusan del Sur og katribo ni Cayawan, ka-uban sa pambato sa Pilipinas ang mga finalists gikan sa mga nasud sa New Zealand, Canada og duha gikan sa Australia human giparot ang uban pang mga modelo gikan sa 62 ka mga nasud nga mu-apil sa WCOPA 2018.
In behalf kang Cayawan, nanawagan si Atty. Cerna sa tanang mga Filipino sa tibuok kalibutan nga i-ampo ang umalabot nga final show nga salmutan sa modelong Filipino tungod kay higayong mudaog, dili lang ang Agusan del Sur og Caraga Region ang ma-ila kundi ang tibuok Pilipinas.
Nasayrang ang WCOPA 2018 maoy bugtong international talent contest sa tibuok kalibutan nga gibansagang official “Talent Olympics” for performers isip pag-ila sa excellent talent nga nagsuporta og nag-train sa mga international world stars. (Beth Ruiz)
